Навукоўцы стварылі ўнікальную мапу свету
- 21.10.2017, 19:12
- 20,470
На даследаванне навукоўцы выдаткавалі 17 гадоў.
Мапа ўказвае на тэктанічныя пліты, якія пагрузіліся ў мантыю Зямлі за апошнія 300 мільёнаў гадоў.
Часопіс Tectonophysics праінфармаваў аб адкрыцці навукоўцаў. Для таго, каб скласці базу патанулых літасферных пліт, даследчыкі выкарыстоўвалі звесткі аб усіх вядомых анамаліях у полі хуткасцяў распаўсюджвання сейсмічных хваль у зямной мантыі. Такім чынам спецыялістам удалося сабраць звесткі аб 94 тэктанічных плітах, піша telegraf.com.
Кара нашай планеты складаецца з літасферных пліт. Яны рухаюцца ўвесь час, што прыводзіць да змены ландшафту Зямлі і ўзнікнення розных прыродных з'яў. З часам адна пліта можа заходзіць пад іншую і апускацца ў мантыю. Раней навукоўцы меркавалі, што ў такім выпадку адбываецца руйнаванне часткі пліты, але падчас даследавання экспэрты выявілі, што часам частка пліты проста тоне ў магме і застывае там на глыбіні блізу 3 тысяч кіламетраў.
Нідэрландскім геолагам удалося стварыць электронны атлас патанулых за 300 мільёна гадоў пліт. На даследаванне навукоўцы выдаткавалі цэлых 17 гадоў.