Ці можна выкараніць дзедаўшчыну ў беларускім войску?
13- 22.10.2017, 13:10
- 15,275
Беларусы выказалі сваю думку на надзённыя пытанні.
Учора ў Менску прайшоў Марш абураных беларусаў 2.0 супраць падатку на «дармаедаў» і «дзедаўшчыны» ў войску. Дзякуючы незалежным СМІ, гібель Аляксандра Коржыча ў Печах не ўдалося замяць, а тэма дзедаўшчыны стала адным з самых надзённых пытанняў.
«Слонимская газета» апытала жыхароў горада: ці можна выкараніць дзедаўшчыну ў беларускім войску?
Ягор:
- Пра дзедаўшчыну, вядома ж, чуў. Думаю, гэтых дзядоў трэба саджаць і караць усяляк за іх учынкі. Сам у войска зусім не хачу ісці.
Ларыса:
- Перш за ўсё, кожны з нас павінен ставіцца адзін да аднаго па-чалавечы...
Сяргей:
- Я вайсковы пенсіянер. У войсках, дзе я служыў, дзедаўшчыны не было. Мяркую, увесь беспарадак праз тое, што жаўнеры мала занятыя. І вельмі многае залежыць ад камандзіраў. Іх задача - ствараць сямейную атмасферу, дапамагаць маладзёнам станавіцца мужчынамі.
Яўгенія Архіпаўна:
- Мой сын служыў у войску яшчэ ў савецкія часы, і тады ўжо была дзедаўшчына. А гэта было блізу 30 гадоў таму назад. Мой муж таксама служыў у вайсковай вучэльні, і там таксама была дзедаўшчына.
Дзяніс:
- Вучуся ў сёмым класе. Дзедаўшчына? А што гэта?
Тамара Андрэеўна:
- Сын у мяне служыў у Таліне ў 80-я гады ў флоце і нічога не распавядаў пра дзедаўшчыну. А выкараніць яе, як і іншыя негатыўныя сацыяльныя з'явы, можна будзе тады, калі яе перастануць утойваць.