На аўкцыёне ў Парыжы прадалі незвычайную Мону Лізу

Карціна сышла за 631,5 тысячу еўра.

Рэпрадукцыю карціны «Мона Ліза» Леанарда да Вінчы, на якую французскі мастак Марсэль Дзюшан алоўкам дамаляваў бараду і вусы, прадалі на таргах у Парыжы. Аб гэтым паведамляецца на сайце аўкцыённага дома Sotheby's (пераклад - lenta.ru).

Лот сышоў за 631,5 тысячу еўра. Ацэначны кошт карціны складаў 400-600 тысяч еўраў.

Дзюшан стварыў «вусатую Джаконду» ў 1964 годзе. Карціна называецца L.H.O.O.Q.

Таргі прайшлі 21 кастрычніка. На аўкцыёне выстаўлялася калекцыя доктара Артура Брандта са 110 твораў, якая збольшага належыць да дадаізму і сюррэалізму. Агульны прыбытак склаў больш за 3,9 мільёна еўра.

Раней у кастрычніку стала вядома, што апошнюю карціну Леанарда да Вінчы, якая знаходзілася ў прыватнай уласнасці, - «Збаўцы свету» - выставяць на таргі з пачатковым коштам у 100 мільёнаў даляраў.

Марсэль Дзюшан (1887 - 1968) - французскі і амерыканскі мастак, тэарэтык мастацтва, які стаяў ля вытокаў дадаізму і сюррэалізму. Акрамя таго, добра гуляў у шахматы. Дзюшан вядомы па рэдзі-мэйд «Фантан», які ўяўляе сабой звычайны пісуар. Твор прызнаны адным з найвялікшых у мастацтве XX стагоддзя.