Гомельскі відэаблогер прадаўжае кпіць з чыноўнікаў

Андрэй Павук наважыў запытацца ў ідэолагаў, ці можна яму прызнацца ў каханні сваёй жонцы.

Жыхар гарадскога пасёлка Акцябрскі ў Гомельскай вобласці Андрэй Павук, вядомы ў раёне відэаблогер, звярнуўся ў аблвыканкам з пытаннем, ці можна яму публічна прызнацца ў каханні сваёй жонцы на цэнтральнай плошчы Гомеля, піша kp.by.

Справа ў тым, што раней Андрэя ўжо штрафавалі на несанкцыянаванае масавае мерапрыемства - на плошчы свайго райцэнтра ён стаяў з плакатам, заклікаючы прыняць яго на працу. Маладзёну, які праз сваю актыўную грамадзянскую пазіцыю праславіўся як галоўным апазіцыянер раёна, доўга адмаўлялі ў прыёме на якую-небудзь працу. Пасля таго, як ён выйшаў на плошчу перад райвыканкамам, Андрэя аштрафавалі за адзіночны пікет, але працу ўсё ж далі - цяпер ён працуе лесніком.

У каханні да жонкі Вольгі блогер ўжо прызнаваўся на плошчы ў Кастрычніцкім, таксама загадзя пытаючыся дазволу. Мясцовыя ідэолагі тады адказалі яму, што публічнае прызнанне ў каханні не з'яўляецца масавым мерапрыемствам, таму не падпадае пад паняцце «пікетавання», але з агаворкай: калі дзеянні «не парушаюць заканадаўства і не ўшчамляюць інтарэсы іншых грамадзян». У гэтым выпадку блогеру прапанавалі прызнацца ў каханні да жонкі на стадыёне (у месцы, адведзеным пад масавыя мерапрыемствы), уклаўшы дамовы з міліцыяй, медыкамі і ЖКГ.

Аднак у выніку «любоўны пікет» дазволілі, і на плошчу Кастрычніцкага Андрэй разам з маленькімі дзецьмі ўсё ж выйшаў, трымаючы ў руках плакат «Мы любім цябе, Вольга Павук!» А цяпер наважыў паўтарыць подзвіг на плошчы Леніна ў Гомелі.

- Асноўнай мэтай публічнага прызнання ў каханні да сваёй жонкі з'яўляецца выказванне свайго эмацыйнага настрою і стаўлення да каханай жанчыны і, адпаведна, рэгламентацыя парадку яго правядзення не падпадае пад дзеяння закона, - адказаў Андрэю намеснік старшыні аблвыканкама. Але папярэдзіў, што «ў выпадку парушэння грамадскага парадку і маральнасці» пікетоўца могуць аштрафаваць.

Прызнавацца ў каханні да жонкі блогер мае намер 5 лістапада.