«Крамбамбуля» дасць навагодні канцэрт у Менску
- 23.10.2017, 16:04
- 8,018
Легендарны гурт выступіць з праграмай «Партызаны каляднага лесу».
21 снежня гурт «Крамбамбуля» выступіць у Prime Hall з праграмай «Партызаны каляднага лесу». Гледачоў чакаюць найлепшыя песні гурта, канцэптуальнае сцэнічнае шоў і кілатоны навагодняга настрою, піша tut.by.
- У кожным лесе ёсць свае партызаны. Яны дапамагаюць святому Мікалаю: ахоўваюць елкі і зайцоў, сочаць, каб ніхто не сапсаваў добрым людзям свята. Прапануем далучыцца да нашага вясёлага патруля і праспяваць разам пару дзясяткаў песень, - кажуць музыкі.
Гурт «Крамбамбуля» быў заснаваны ў 2002 годзе. Актуальны склад групы: Лявон Вольскі (вакал, гітара), Павел Трыпуць (вакал, гітара), Павел Аракелян (вакал, саксафон), Андрэй Якубчык (вакал, труба), Алесь-Францішак Мышкевіч (вакал, бас-гітара), Павел Мамонаў (бубны).
Старт продажу квіткоў у сераду 25 кастрычніка а 12.00.
Кошт квіткоў: танцпляцоўка (першыя 200) - 35 руб, танцпляцоўка (астатнія) - 40 руб, з месцамі - ад 42 руб.
Інфалінія +375 33 661-14-32.