Лідскі актывіст наважыўся навучыць ДАІ гуманізму

Жыхар Ліды стварыў петыцыю і дамагаецца справядлівасці.

На сайце change.org з'явілася петыцыя «За захаванне прынцыпаў справядлівасці, гуманізму і здаровага сэнсу супрацоўнікамі ДАІ РБ». Яе аўтар - жыхар Ліды Сяргей Суровіч, піша lida.info.

Тэкст звароту наступны (арфаграфія і пунктуацыя захаваная):

«Адміністрацыйная адказнасць у Рэспубліцы Беларусь, як сказана ў Адміністратыўным Кодэксе, грунтуецца на прынцыпах справядлівасці і гуманізму. Уважаю дзеянні супрацоўнікаў ДАІ РБ, якія прыцягваюць грамадзян да адміністрацыйнай адказнасці за парушэнне пункта 17, 17.1 ПДР (адсутнасць святлоадбівальных элементаў у пешаходаў у начны час) з дапамогай накладання штрафу незалежна ад абставінаў, не адпаведнымі гэтым прынцыпам, а так жа самому Адміністрацыйнаму кодэксу.

Цяпер на грамадзян накладаецца адразу адміністрацыйнае спагнанне ў выглядзе штрафу, нават тых, хто знаходзіцца ў цвярозым стане, і да моманту прыцягнення не ведаў, што адсутнасць святлоадбівальнага элемента з'яўляецца парушэннем ПДР, прызнае што мог тым самым дапусціць гэтае парушэнне, а так жа прыцягваецца да адказнасці за гэтае парушэнне ўпершыню. Хаця такія абставіны, згодна з Адміністрацыйным кодэксам РБ, з'яўляюцца змякчальнымі абставінамі і могуць служыць падставай для прызнання правапарушэння малазначным і вызвалення ад адміністрацыйнай адказнасці, у прынцыпе. Ды і самім артыкулам АК 18.23 за гэтае парушэнне прадугледжаны не толькі штраф, але і папярэджанне.

Асабліва абуральным з'яўляецца нясенне службы экіпажамі ДАІ і накладанне штрафу на грамадзян з гэтай прычынах на адрэзках дарог, якія не з'яўляюцца патэнцыйна небяспечнымі ў разрэзе аварыйнасці з удзелам пешаходаў: у межах населенага пункта, у варунках дастатковай бачнасці, дзе дарога асветленая, ёсць знакі абмежавання хуткасці да 40 км/г, арганізаваны рух толькі ў адзін бок, адсутнічаюць знакі «Аварыйна-небяспечны адрэзак». Правядзенне прафілактычных акцый (напр. «Час стаць больш прыкметным») не з'яўляецца падставай для ўзмацнення жорсткасці адміністрацыйнай адказнасці, а з самой назвы акцыі вынікае, што яна прафілактычная (з грамадзянамі будзе праводзіцца прафілактычная праца, тлумачыцца небяспека, выносіцца папярэджанні), а не карная (устанавілі парушэнне, аштрафавалі). Такія паводзіны супрацоўнікаў ДАІ ніяк не спрыяюць зніжэнню аварыйнасці і змене паводзін насельніцтва з мэтай зніжэння аварыйнасці, а толькі распальваюць агонь недаверу да супрацоўнікаў правапарадку, ствараюць негатыўнае стаўленне грамадства да іх, прынамсі, і да прадстаўнікоў закона, агулам.

Звычайнае знаёмства грамадзяніна з прыкметамі правапарушэння, якое ён учыніў, заканадаўствам РБ аб гэтым канкрэтным выпадку, а таксама вынясенне вуснага або пісьмовага папярэджання аб недапушчальнасці паўторнага парушэння ўважаю за больш чым дастатковае і эфектыўнае. Выключэннем павінны служыць толькі выпадкі паўторнага парушэння, альбо парушэнні, здзесненыя пры абцяжарваючых абставінах. Заклікаю выказаць сваю грамадзянскую пазіцыю і выказацца супраць накладання штрафу за адсутнасць святлоадбівальных элементаў пры наяўнасці змякчальных абставінаў, а таксама за захаванне прынцыпаў справядлівасці, гуманнасці і здаровага сэнсу кіраўніцтвам і супрацоўнікамі ДАІ РБ».

Паведамляецца, што гэтая петыцыя будзе накіраваная ў адрас начальніка УДАІ МУС Рэспублікі Беларусь Карзюка Дзмітрыя Міхайлавіча. На гэты момант яе падтрымаў 31 чалавек.