Як выглядаюць самыя маленькія кватэры ў Менску

У сталіцы ёсць жыллё плошчай усяго 21 квадратны метр.

Вялікія таямніцы і дзіўныя архітэктурныя развязанні часам хаваюцца ў дамах старога жылога фонду. Калі адкрыць базу кватэр на продаж, можна знайсці варыянты, здольныя выклікаць прыступы клаўстрафобіі. Да прыкладу, у Менску ёсць жыллё плошчаю ўсяго 21 кв. м. Не нашмат большыя па памеры кватэры раскіданыя па ўсім горадзе. І калі сёння ў новабудоўлях такія малагабарыткі можна купіць невысокім коштам, то ўладальнікі другасных маленькіх кватэр у сваім цэнаўтварэнні не сціплыя, піша «Онлайнер».

Вось яна, самая маленькая кватэра, знойдзеная ў Менску. Яе плошча - усяго 21 кв. м. Маленькая кухня, маленькі пакой, малюсенькі санвузел - вось і ўсё жыллё. Балазе ёсць балкон. Кватэра знаходзіцца ў цагляным доме 1974 года пабудовы. І хоць размяшчаецца ён не ў цэнтры горада (на вуліцы Сонечнай), кошт метра вельмі нават вялікі - блізу $1400. Агульны кошт кватэры - $31 500.

Яшчэ адна рэкордна маленькая кватэра прадаецца ў цагляным доме 1960 года пабудовы на вуліцы Багдановіча. Яе плошча - 22 метры. Затое вышыня столяў 3 метры. «Прадам утульную і мілую кватэру з прыгожым рамонтам у ціхім і ўтульным месцы, у цэнтры горада! Ёсць абсталяваны склеп. Інфраструктура на вышэйшым узроўні!» - значыцца ў абвестцы. Кватэра ацэненая ў $36 тысяч, што значыць - $1600 за метр.

Нямала маламетражных кватэр і ў адносна нядаўніх новабудоўлях. У доме 2011 года што пабудовы на Нёманскай вуліцы выстаўленая на продаж кватэра плошчай 27,8 кв. м. Кошт цалкам сабе як у «двушкі» - $50 тысяч. Атрымліваецца, метр пакупніку абыдзецца ў $1800. Аднапакаёвая кватэра асаблівая тым, што ў і ёй выкананы сучасны рамонт, які не мае патрэбы ў абнаўленні.

Калі гаворка ідзе пра жыллё ў гістарычным цэнтры, усе яго астатнія характарыстыкі адыходзяць на другі план. Галоўнае - месцазнаходжанне. Магчыма, з такога прынцыпу зыходзілі ўладальнікі кватэры на Інтэрнацыянальнай. Абмежаваная прастора плошчай 25 кв. м ацэненая ў $57 тысяч, што значыць - $2280 за метр. Як кватэра выглядае знутры, сакрэт, у абвестцы размешчаная толькі мадэль. Затое зразумела, што праз столь вышынёй 3,8 метра ёсць магчымасць зрабіць мансардны паверх для размяшчэння спальнага месца.

Яшчэ адна кватэра, метраж у якой кампенсуецца якасным рамонтам, размяшчаецца на вуліцы Леніна. Яе плошча - 25 кв. м. Праўда, цана больш чым сумнеўная - $72 тысячы ($2880 за «квадрат»). «Цэнтр горада. Уваход у пад'езд з вуліцы Леніна. Свежы рамонт. Выдатная інвестыцыя (здача ў арэнду па днях). Акно выходзіць у ціхі двор», - піша ўласнік.