Відэахіт: Брамнік прапусціў гол з пенальці, уцёкшы святкаваць промах спаборніка
1- 23.10.2017, 18:35
- 32,085
Пацешны выпадак адбыўся ў паўфінальным матчы Кубка Тайланда.
У паўфінальным матчы Кубка Тайланда паміж камандамі «Бангкок Спортс Клаб» і «Сатры Ангтхонг» брамнік прапусціў пенальці, уцёкшы святкаваць промах спаборніка, паведамляе pressball.by.
Асноўны час завяршыўся ўнічыю (2:2), а ў серыі пенальці лік быў 19:19. Брамнік «Бангкок Спортс Клаб» падышоў да «месца», але прабіў у ашэстак. Радасны брамнік «Сатры Ангтхонг» пабег святкаваць промах спаборніка, а ў гэты час мяч, адскочыў ад стойкі уверх, апусціўся на зямлю і па неймавернай траекторыі заляцеў у сетку брамы.
Гулец «Сатры Ангтхонг» не змог забіць наступны пенальці, і «Бангкок Спортс Клаб» перамог у матчы.