Фотафакт: У Бярдзянску помнік Дзяржынскаму перарабілі ў казака

У Менску ж помнік аднаму з ініцыятараў чырвонага тэрору стаіць з 1947 года.

У Бярдзянску Запарожскай вобласці дэкамунізавалі бюст аднаго з ініцыятараў чырвонага тэрору Фелікса Дзяржынскага, размешчаны на тэрыторыі Бярдзянскай папраўчай калоніі.

Як паведамляе pro.berdyansk.biz, помнік жалезнаму Феліксу не зруйнавалі, а перарабілі ў помнік украінскаму казаку Максіму Крываносу.

Між іншым, Дзяржынскаму надтачылі вусы, «згалілі» бародку, зрабілі казацкі асяледзец і «пераапранулі» у вышыванку. На помнік павесілі таблічку з надпісам «Максім Крыванос (Перабійніс). 1600-1648. Палкоўнік войска Запарожскага».