У беларусаў з'явілася магчымасць даведацца сваю крэдытную гісторыю анлайн

Першы запыт на працягу фінансавага года бясплатны, наступныя - за грошы.

Нацбанк паведамляе аб пашырэнні аддаленага доступу да крэдытных справаздач для фізічных асоб. Партал Крэдытнага рэгістра, узаемадзейнічаючы з міжбанкаўскай сістэмай ідэнтыфікацыі (МСІ), пашырыў свой функцыянал. Раней электронную крэдытную справаздачу маглі атрымаць кліенты толькі аднаго банка, цяпер яна даступная для ўсіх беларускіх банкаў, паведамляе kp.by.

Каб даведацца крэдытную справаздачу трэба зарэгістравацца ў МСІ і прайсці ідэнтыфікацыю на партале Крэдытнага рэгістра праз сістэму АРІП (АІС «Разлік») - гэта абсалютна бясплатна. Запытваць звесткі можна колькі заўгодна раз, праўда, за другі і наступныя запыты давядзецца заплаціць узнагароджанне.

Плюс такіх віртуальных фінансавых справаздач у тым, што не трэба адпраўляцца ў офіс Нацбанка. І, застаючыся ў глыбінцы, чалавек можа рэальна ацаніць свае шанцы на атрыманне крэдыту, напрыклад. І нават платныя крэдытныя справаздачы абыдуцца карыстальнікам танней аналагічных дакументаў на паперы.

Кожны год асабістую крэдытную справаздачу запытваюць блізу 6 тысяч жыхароў Беларусі.