Расгвардзеец у Чачні застрэліў чатырох таварышаў па службе
3- 23.10.2017, 21:21
- 32,088
Яны памерлі ад атрыманых раненняў
Вайсковец Расейскай гвардыі застрэліў ў Чачні чатырох сваіх таварышаў па службе. Пра гэта паведамляе ТАСС са спасылкай на прэс-службу ведамства.
Інцыдэнт адбыўся ў адной з воінскіх частак Паўночна-Каўказскай акругі войскаў нацыянальнай гвардыі ў станіцы Шалкоўская а 16.00.
Старэйшы лейтэнант, які застрэліў вайскоўцаў, быў ліквідаваны супрацоўнікамі дзяжурнага падраздзялення, паведамляе агенцтва.
На месца здарэння адправілася група афіцэраў цэнтральнага апарата Расейскай гвардыі, куды ўваходзяць прадстаўнікі бяспекі, псіхолагі. Прызначаная службовая праверка.