На дзясяткі мільярдаў

Праваабаронца распавёў, як пакараць Крэмль за вайну ва Украіне.

Расея можа пайсці на прыпыненне ўдзелу ў Еўрапейскім судзе правоў чалавека (ЕСПЧ) у надзеі пазбегнуць расплаты паводле пазоваў Украіны за вайну на Данбасе і анэксію Крыма.

Такое меркаванне «Обозревателю» выказаў старшыня праўлення «Міжнароднай Лігі абароны правоў грамадзян», праваабаронца Эдуард Багіраў.

«Справа ў тым, што ЕСПЧ не падпарадкоўваецца палітычнаму рэжыму Расеі. А там выдатна разумеюць, што ў найбліжэйшы час у судах прымуць дзясяткі пастаноў, у тым ліку прэцэдэнтнага характару, супраць Расеі ў інтарэсах Украіны», - сказаў Багіраў.

На думку праваабаронцы, салідарны пазоў супраць Расеі пацягне на некалькі дзясяткаў мільярдаў даляраў.

«Таму ў Крамлі ствараюць такі сабе прававы парасон і спадзяюцца, што гэта будзе дзейнічаць. Але дарма, таму што ім давядзецца выплачваць кампенсацыю матэрыяльнымі актывамі, якія знаходзяцца за мяжой і засталіся пасля распаду СССР», - рэзюмаваў Багіраў.

Раней аб магчымым выхадзе Расеі з ЕСПЧ паведамілі вядучыя СМІ РФ.

Нагадаем, Украіна выйграла ў ЕСПЧ першую справу, звязаную з акупацыяй Данбаса.