У ЕЗ з'явіцца новая сістэма рэгістрацыі на межах Шэнгену
4- 25.10.2017, 15:19
- 18,904
Новая сістэма дасць магчымасць мець інфармацыю пра людзей з-за межаў ЕЗ.
У сераду, 25 кастрычніка, Еўрапарламент прагаласаваў за ўвядзенне новай сістэмы рэгістрацыі ўезду і выезду на вонкавых межах Шэнгенскай зоны, піша «Новы час».
Новая сістэма дасць магчымасць мець інфармацыю пра людзей з-за межаў ЕЗ, пра іх уезд, выезд і адмову ва ўездзе, рэгістрацыі падчас падарожжа ў ЕЗ. Сістэма будзе выкарыстоўвацца незалежна ад таго, ці патрэбна ім віза.
За адпаведную пастанову прагаласавалі 477 еўрадэпутатаў, 139 былі супраць і 50 устрымаліся, піша «Еўрапейская праўда».
У Еўрапарламенце адзначылі, што правілы, якія тычацца людзей, што ўязджаюць у Шэнгенскую зону, тэрмінова маюць патрэбу ў абнаўленні праз праблему бяспекі, а таксама павелічэння колькасці падарожнікаў за апошнія гады.
Змяненні дадуць магчымасць узмацніць і паскорыць праверкі на межах, бо новая электронная сістэма заменіць штампоўкі пашпартоў.
Сістэма будзе захоўваць звесткі аб падарожніках, каб палегчыць хуткае перасячэнне мяжы, а таксама палегчыць выяўленне выпадкаў выкарыстання фальшывых дакументаў або выяўлення людзей, якія затрымліваюцца ў Шэнгенскай зоне даўжэй за прадугледжаныя 90 дзён у 180-дзённым перыядзе.
Акрамя таго, новая сістэма таксама можа дапамагчы ідэнтыфікаваць тэрарыстаў, адзначылі ў Еўрапарламенце.