NASA апублікавала аўдыёзапісы з загадкавымі гукамі з космасу
1- 31.10.2017, 10:18
- 17,637
У незвычайны плэйліст патрапіла 22 «трэкі».
Амерыканскае касмічнае агенцтва NASA сабрала да Хэлоўіну самыя страшныя аўдыё, запісаныя ў космасе. На запісах можна пачуць маланку на Юпітэры і праходжанне касмічнага апарата праз хвост каметы.
У плэйліст патрапіла 22 «трэкі». Яны былі запісаныя касмічнымі апаратамі, здольнымі фіксаваць радыёвыпраменьванне, якое навукоўцы пасля пераўтварылі ў гукавыя хвалі.
Сярод запісаў - звесткі з касмічных апаратаў «Джуна», «Касіні» і «Вояджэр», якія даследуюць Сонечную сістэму, а таксама касмічнага тэлескопа «Кеплер», які рухаўся вакол Зямлі.