У Менску каталікі пачалі дапамагаць маламаёмасным
9- 5.10.2017, 21:59
- 16,724
У холад каталіцкія актывісты будуць раздаваць гарачую ежу.
На днях у Менску сталічная каталіцкая арганізацыя «Карытас» пачала ладзіць гарачае харчаванне для бяздомных, паведамляе kp.by.
Праект адкрылі ў Доме начнога знаходжання на Ваўпшасава, 42. З панядзелка да пятніцы людзям без пэўнага месца жыхарства тут будуць раздаваць гарачую ежу і пітво. Таксама бяздомныя змогуць атрымаць дапамогу ў псіхалагічных і юрыдычных пытаннях, а яшчэ - бясплатна падстрыгчыся.
Сталовая ў начлежцы будзе працаваць у перыяд халадоў - да 30 красавіка. Каталікі запрашаюць усіх неабыякавых далучацца да ініцыятывы:
- Мы вельмі рады, што ў нас з'явілася магчымасць яшчэ больш несці дабро людзям! Безумоўна, мы спадзяёмся на вашу дапамогу і падтрымку! - паведамляецца на старонцы «Карытас (Менск)».