Прэзідэнт Польшчы павіншаваў «Белсат» з дзесяцігоддзем
4- 7.10.2017, 19:15
- 11,009
Ліст Анджэя Дуды з віншаваннямі тэлеканалу быў зачытана на фэсце «Мастацтва факту» ў Торуні.
«Белсат» атрымаў спецыяльную ўзнагароду фэсту «Мастацтва факту» ў польскім Торуні - напярэдадні дзесяцігоддзі канала.
«Гэта першы акт нашага святкавання 10-годдзя. Як бы дзіўна ні было (нават мне), нашаму каналу ўжо дзесяць гадоў. Мы выстаялі ў цяжкіх варунках і - самае важнае - расцем, а нас - глядзяць», - заявіла падчас атрымання ўзнагароды дырэктарка тэлеканала Агнешка Рамашэўска-Гузы.
Ліст «Белсату» накіраваў Анджэй Дуда. Прэзідэнт Польшчы павіншаваў Агнешку Рамашэўску-Гузы з угодкамі дзейнасці канала, падкрэсліў, што «Белсат» - «выдатная візітоўка польскай адкрытасці і салідарнасці» ды выказаў упэўненасць, што канал будзе развівацца і далей, «спрыяючы беларуска-польскім стасункам».
Фэст «Мастацтва факту» сёлета праходзіць пад слоганам «Партрэты палякаў - погляд у люстра». Ён праводзіцца ў Торуні ўжо пяты раз. Усе пяць гадоў у конкурснай праграме фэсту ўдзельнічалі аўтары «Белсата».
«Упэўненая, што дакументальныя фільмы і рэпартажы - каралі сучаснай тэлевізіі», - дадала Агнешка Рамашэўска-Гузы.
Так, фільм Антона Цялежнікава «Пэндзлі замест аўтаматаў» атрымаў летась галоўную ўзнагароду фэсту.
Гукавую дарожку да рэпартажу пра пленэры, які беларускія мастакі правялі ў Пясках пад Данецкам, напісаў журналіст «Агляду падзей культуры» на «Белсаце», Андрусь Такінданг.