Для зняволеных у Беларусі ўвядуць электронныя бранзалеты

Электронныя бранзалеты для зняволеных плануюць увесці ў Беларусі ў 2018 годзе.

Пра гэта паведаміў начальнік Дэпартамента выканання пакаранняў МУС Сяргей Дарошка, перадае sb.by.

Ён мяркуе, што такі маніторынг дазволіць знізіць колькасць людзей у месцах пазбаўлення волі. Асоб, якія ўчынілі не цяжкія злачынствы і не з'яўляюцца небяспечнымі для грамадства, не будуць ізаляваць, а толькі абмяжоўваць у пэўных правах.

"Калі гэта спрацуе, то ў следчых ізалятарах будзе на 15% менш людзей, чым цяпер", - сказаў Сяргей Дарошка.