21 траўня 2019, aўторак, 1:09
За нашу і вашу свабоду!
Рубрыкі

Fitch: У Расеі закрыюць палову банкаў

7

Пад удар трапляюць прыватныя крэдытныя арганізацыі.

Далейшая расчыстка банкаўскага сектара ў Расеі выявіць новыя праблемныя банкі і прывядзе да іх масавага закрыцця, папярэджвае міжнароднае рэйтынгавае агенцтва Fitch. Пра гэта паведамляе сайт eizvestia.com.

Найбліжэйшыя 4 гады колькасць банкаў у РФ скароціцца ўдвая - з 600 да 300, пад удар патрапяць прыватныя крэдытныя арганізацыі, у якіх назапасіліся праблемныя актывы і якія пакутуюць ад канкурэнцыі з дзяржбанкамі.

"Мы чакаем выяўленне праблемных банкаў, што, у сваю чаргу, выклікае сумневы наконт таго, ці будзе да іх выкарыстоўвацца механізм bail-in або іх ліквідацыя", - адзначае Fitch.

Пасля калапсу банка "Югра" і нацыяналізацыі ФК "Адкрыццё" і Бінбанка ідзе працэс "уцёкаў да якасці": кліенты закрываюць рахункі і пераводзяць грошы ў дзяржбанкі.

Але калі "ўзмоцненае дамінаванне дзяржаўных гульцоў можа павялічыць залежнасць галіны ад дзяржавы, бо большасць дзяржбанкаў рэгулярна маюць патрэбу ў падтрымцы", нагадвае агенцтва.

Паводле ацэнкі Fitch, з 2013 года дзяржбанкі атрымалі ўліванні ад дзяржавы на суму 2 трыльёны расейскіх рублёў. З гэтай сумы 260 рублёў прыйшлі наўпрост з федэральнага бюджэту, 854 млрд - з Фонду нацыянальнага дабрабыту і яшчэ столькі ж паводле праграмы дакапіталізацыяй праз ОФЗ.

"Што гэта як не прыхаваная форма санацыі", - кажа старэйшы аналітык агенцтва Аляксандр Данілаў.

"Калі коратка - мы рухаемся да дзяржаўнай банкаўскай сістэмы", - канстатуе кіраўнік МДМ-Банка Алег В’югін.

Праблема ў тым, што сама мадэль банкаўскага бізнэсу, якая дазваляла зарабляць у 2000-х, знікла тлумачыць ён: прыватныя банкі прыцягвалі танныя крэдыты за мяжой і размяшчалі гэтыя грошы ў Расеі пад стаўкі ў разы вышэйшыя. Але праз санкцыйныя войны з Захадам з 2014 года "гэтая магчымасць наогул знікла".

Крызіс 2008 года пакінуў шкілеты ў шафах: "у банкаў утварыліся велізарныя таксічныя актывы, якія ніхто не разграбаў", распавядае В’югін. Гэта інвестыцыі, якія перасталі генераваць прыбытак - праблемныя крэдыты або ўкладанні ў нерухомасць. Рэцэсія і спад даходаў насельніцтва пагоршылі сітуацыю.

ЦБ прыняў наступны алгарытм, распавядае В’югін: калі банк не атрымлівае дастатковага даходу зактываў, ён павінен стварыць рэзервы, гэта значыць унесці пэўную суму ў капітал. Акцыянерам даецца час на закрыццё дзіркі, а калі не атрымліваецца - то "шчыра запрашаем у Фонд кансалідацыі".

Акцыянеры, паводле ягоных слоў, як правіла, знайсці грошы не могуць, бо "патрэбныя трыльёны", і ў выніку "практычна рэалізуецца праграма рэкапіталізацыі банкаўскай сістэмы шляхам вяртання прыватных банкаў у дзяржаўную ўласнасць".

Калапс двух прыватных банкаў з топ-15 не вяжацца з ідэяй аб аднаўленні эканамічнага росту, кажа галоўны эканаміст Альфа-банка Наталля Арлова.

Паводле ейных слоў, на аднаўленне фінансавага здароўя Бінбанка і "Адкрыцця" спатрэбіцца ўдвая большыя сумы, якую называў ЦБ: 1-1,2 трлн рублёў замест 500-750 млрд.

І калі для Бінбанкам з актывамі на 1,1 трлн рублёў названая сума (350 млрд рублёў) выглядае "рэалістычнай", то для "Адкрыцця" з актывамі ў 2,5 трыльёна рублёў 400 млрд рублёў - "занадта амбіцыйны" варыянт, кажа Арлова.