Украінскія вайскоўцы ўзялі пад поўны кантроль Данецкі аэрапорт
42- 8.10.2017, 19:49
- 86,500
Сцяг Украіны размешчаны ў некалькіх сотнях метраў ад тэрмінала.
Украінскія вайскоўцы ўстанавілі поўны кантроль над тэрыторыяй Данецкага аэрапорта і яго ўзлётнай паласой. Сцяг Украіны размешчаны ўсяго ў некалькіх сотнях метраў ад тэрмінала. Пра гэта распавялі ўкраінскія вайскоўцы ў сюжэце ТСН, піша liga.net.
«Пад нашым кантролем узлётная паласа, руіны ДАПа, то бок, ускраіна горада Данецка», - паведаміў вайсковец з пазыўным «Адвакат».
Паведамляецца, што вайскоўцы ведаюць, калі адкрываць агонь і куды страляць, і нават з дапамогай аптычнага прыцэла вывучылі наваколлі Куйбышаўскага раёна на выпадак, калі будзе каманда наступаць.
«Яны разумеюць, што ўжо не 2014 год і атрымліваюць прафесійны адказ у выпадку, калі спрабуюць выконваць нейкія дзеянні, абкопвацца або прасоўвацца наперад», - таксама расказаў вайсковец.
У сюжэце ТСН гаворыцца, што ўкраінская мова на гэтым баку раздаецца паўсюль - у камандах, загадах і гаворцы. І гэта вельмі раздражняе баевікоў, якія стаяць у некалькіх сотнях метраў ад украінскай пазіцый.
«Мяркую, што ўжо засталося няшмат да нашай перамогі, інакш проста быць не можа», - рэзюмаваў «Зампаліт».