На падземнай паркоўцы рынка «Сіндзікі» ў Маскве выбухаюць аўтамабілі

Ёсць пагроза абрушэння будынка.

Пад дзеяннем высокіх тэмператур узарваліся некалькі аўтамабіляў, якія знаходзяцца на падземнай паркоўцы будаўнічага цэнтра «Сіндзікі» ля 65 км МКАД, паведамляе ТАСС са спасылкай на крыніцу ў экстраных службах.

Суразмоўца агенцтва распавёў, што ўся паркоўка ахопленая агнём і выбухі прадаўжаюцца. Крыніца агенцтва «Масква» ў экстраных службах распавяла, што будынак можа абрынуцца.

«Гарыць пяць паверхаў па ўсёй плошчы, плошча кожнага паверху 5 тысяч кв. м. Ёсць пагроза поўнага руйнавання будынка. Чутныя масавыя выбухі - унутры знаходзяцца балоны і машыны», - паведаміў ён.

У МНС паведамілі interfax.ru, што пажарам ахоплена 55 тысяч кв. м, дзве траціны будаўнічага комплексу.

Восем чалавек з сімптомамі інтаксікацыі дымам звярнулася да лекараў.

Гандлёвы цэнтр размешчаны на паўночным захадзе Масквы. Паводле папярэдніх звестак, на ўсёй плошчы загарэлася паркоўка, якая знаходзіцца на мінус першым паверсе.

На месцы здарэння працуюць 12 пажарных разлікаў, для тушэння пажару вылецеў верталёт Ка-32. Авіяцыя зрабіла 15 скідаў вады. Эвакуяваныя блізу трох тысяч чалавек.