IBM абвясціла пра новую эру ў стварэнні квантавага кампутара

Створаны працоўны прататып вылічальнай магутнасцю 50 кубітаў.

Карпарацыя IBM абвясціла пра новую старонку ў стварэнні квантавага кампутара.

Аб гэтым піша Associated Press.

Кіраўнік кірунку квантавых кампутараў IBM Дарыё Гіл паведаміў, што распрацоўшчыкі стварылі працоўны прататып вылічальнай магутнасцю 50 кубітаў (квантавых бітаў), паведамляе lenta.ru.

Як удакладняе TechCrunch, у IBM не паведамілі, калі такі квантавы кампутар будзе даступны для камерцыйнага выкарыстання. Выданне таксама паведамляе, што IBM анансавала доступ да 20-кубітных квантавых вылічэнняў праз воблачны сэрвіс.

У траўні 2016 года карпарацыя запусціла воблачны сэрвіс IBM Quantum Expirience. Ён дае доступ да вылічэнняў магутнасцю пяць кубітаў.

Тэхналогіі квантавых вылічэнняў знаходзяцца на ранніх узроўнях распрацоўкі. У іх выкарыстоўваюцца квантавамеханічныя з'явы, такія як суперпазіцыя і заблытанасць. Паўнавартасны квантавы кампутар пакуль не створаны.