Каляндар «Адрасы БНР» цяпер можа набыць кожны беларус
- 14.11.2017, 15:03
- 13,080
Каляндар у гонар 100-годдзя Беларускай Народнай Рэспублікі з'явіўся ў крамах Менска і іншых гарадоў.
«У продаж паступіў каляндар «Адрасы БНР. 1918-2018», падрыхтаваны на замову Згуртавання беларусаў свету «Бацькаўшчына» адмыслова да стагоддзя Беларускай Народнай Рэспублікі. Ён з густам аформлены і інфармацыйны - змяшчае выявы дванаццаці будынкаў, у якіх у розны час адбываліся падзеі, звязаныя з БНР.
Купалаўскі тэатр, дзе ў снежні 1917 года адбыўся гістарычны Першы Усебеларускі з'езд, дом купца Мураўёва ў Горадні, дзе размяшчалася ўрад БНР пасля выезду з Менска, будынак Беларускай Місіі ў Рызе. Але не думайце, што ў календары толькі Менск. Тут ёсць Вільня, Коўна, Прага, Талін і нават Нью-Ёрк», - піша budzma.by.
Кожны з «адрасоў БНР» прадстаўлены ў сучасным выглядзе, з указаннем як сапраўднага адрасу, так і першага. Дзякуючы календару кожны ахвотны без праблем знойдзе дом, дзе жыў Пётра Крачэўскі або Васіль Захарка ў Празе.
Склала каляндар гісторык Наталля Гардзіенка, а афармленнем займаўся кіраўнік студыі «Адліга» Анатоль Лазар. Фатаграфавалі будынкі Андрэй Антонаў, Наталля Гардзіенка, Павел Котаў, Аляксандр Саенка і Юлія Цімафеева.
Каляндар «Адрасы БНР. 1918-2018» можна набыць у наступных крамах:
У Менску:
«Акадэмкніга», пр-т Незалежнасці, 72;
«Мой родны кут», пр-т Незалежнасці, 58, пав.333;
А таксама ў інтэрнэт-крамах imbryk.by, knihi.by і symbal.by (дастаўка ва ўсім свеце).
У рэгіёнах:
Берасце
Крама «Князь Вітаўт», вул. Савецкая, 55.
Віцебск
Крама «Князь Вітаўт», вул. Фрунзе, 8.
Горадня
«Цудоўня» (вул. Вялікая Траецкая, 16).