Мінабароны РФ выдала кадр з гульні за «довад» супрацоўніцтва ЗША з ІДІЛ
12- 14.11.2017, 15:13
- 32,218
Выкрытая чарговая хлусня крамлёўскіх прапагандыстаў.
Міністэрства абароны Расеі апублікавала кадры «бясспрэчная пацверджання» забеспячэння ЗША прыкрыцця баяздольных атрадаў «Ісламскай дзяржавы», аднак гэтыя выявы з'яўляюцца хлуснёй, заявілі ў Conflict Intelligence Team (CIT) (пераклад - novayagazeta.ru).
Паводле звестак CIT, адна з выяўваў насамрэч з'яўляецца скрыншотам з гульні для смартфонаў AC-130 Gunship Simulator, а астатнія выразаныя з відэаролікаў Мінабароны Ірака аб стральбе па баявіках ІД пад Эль-Фалуджы ў чэрвені 2016 года.
Минобороны России в качестве доказательства сотрудничества США с ИГ опубликовало скриншот из мобильной игры "AC-130 Gunship Simulator: Special Ops Squadron" https://t.co/ppaBNeZ2CF
— CIT (@CITeam_ru) 14 ноября 2017 г.
(via @EliotHiggins) pic.twitter.com/rE6bJf3Lev
«На фотаздымках, зробленых 9 лістапада 2017 года расейскі беспілотнымі апаратамі зафіксавана, як узброеныя фармаванні ІДІЛ, ратуючыся ад удараў расейскай авіяцыі і ўрадавых войскаў, шматкіламетровымі калонамі сыходзяць з Абу-Кемаля ў кірунку пераходу Вадзі-эс-Сабха на сірыйска-іракскай мяжы», - гаварылася ў паведамленні Мінабароны.
У Мінабароны пакуль ніяк не пракаментавалі сітуацыю з апублікаванымі кадрамі.
Нагадаем, летам CIT выявіла, што прэзідэнт Расеі Уладзімір Пуцін паказаў амерыканскаму рэжысёру Оліверу Стоўну кадры «работы нашай авіяцыі ў Сірыі», якія насамрэч былі атакай амерыканскай авіяцыі ў Афганістане 2013 года.
«Мы ўважліва паглядзелі, параўналі дынаміку ўдараў па зямлі, становішча, роскід, і ўбачылі, што, сапраўды, гэта вядомае відэа працы амерыканскага верталёта ў Афганістане. Гэта абсалютна дакладна тое самае відэа», - распавядаў «Новой газете» кіраўнік CIT Руслан Лявіеў.
Пры гэтым прэс-сакратар прэзідэнта Расеі Дзмітрый Пяскоў заявіў, што можа пацвердзіць дакладнасць відэароліка, які дэманстраваў Пуцін. З ягоных слоў, «гэта былі сапраўды матэрыялы Мінабароны Расеі».