Максім Вінярскі: Усе ведаюць характар Кулакова, яго не спыніць
3- 14.11.2017, 17:47
- 11,193
Актывіст «Еўрапейскай Беларусі» прасіў пакараць яго арыштам, але з Леаніда Кулакова зноў спаганяюць штраф.
Суд Першамайскага раёна Менска пастанавіў, што актывіст грамадзянскай кампаніі «Еўрапейская Беларусь» Леанід Кулакоў выплаціць 920 рублёў штрафу за ўдзел у Маршы абураных беларусаў 2.0 21-га кастрычніка.
«Судзілі мяне за маю грамадзянскую пазіцыю, за тое, што я асмеліўся выказаць услых тое, што думаю. Улады хочуць, каб мы думалі толькі на кухнях ці ў падваротнях абмяркоўвалі», - сказаў «Белсату» Кулакоў.
«Усе ведаюць характар Кулакова, яго не спыніць тым, што будуць два штрафы, тры штрафы, пяць штрафаў, тое ж самае тычыцца і арыштаў», - кажа каардынатар грамадзянскай кампаніі «Еўрапейская Беларусь» Максім Вінярскі.
Леанід Кулакоў адзначыў, што ўжо стаміўся падлічваць адміністрацыйныя справы паводле яго: да адказнасці за мірныя пратэсты яго прыцягвалі мінімум 10 разоў.