19 лiстапада 2017, Нядзеля, 21:01

Вайскоўцы адхілілі дыктатара ад улады

82
Фота: Reuters

Войскі ўвайшлі ў сталіцу, захапілі тэлецэнтр і арыштавалі дыктатара.

Вайскоўцы, якія захапілі будынак дзяржаўнай тэлекампаніі Зэд-бі-сі, абвясцілі, што ўзялі пад варту Робэрта Мугабэ.

Пры гэтым яны не разглядаюць тое, што здарылася, як вайсковы пераварот і заяўляюць, што Мугабэ і ягоным родным нічога не пагражае, піша bbc.com.

У кіроўнай партыі "Зімбабвійскі афрыканскі нацыянальны звяз - Патрыятычны фронт" заявілі, што такі крок быў неабходны "дзеля здароўя нацыі". "Ні Зімбабвэ, ні партыя не належаць ні Мугабэ, ні ягонай жонцы. Сёння пачынаецца новая эра", - гаворыцца ў заяве партыі.

Паводле звестак мясцовых СМІ, Мугабэ рыхтуецца падаць у адстаўку, а ягоным пераемнікам стане не ягоная жонка, як паведамлялася раней, а віцэ-прэзідэнт Эмерсан Мнангагва. "Таварыш Мнангагва дапаможа нам зрабіць Зімбабвэ лепшай", - гаворыцца ў заяве кіроўнай партыі.

Захоп будынак дзяржаўнай тэлекампаніі Зэд-бі-сі адбыўся ўночы ў сераду. "Мы хочам запэўніць нацыю ў тым, што яго мосць прэзідэнт і ягоная сям'я жывыя і здаровыя, і іх бяспека гарантаваная", - заявіў у эфіры тэлеканала чалавек у камуфляжы.

Агенцтва Рэйтэр апазнала ў гэтым чалавеку генерал-маёра Маё, які ўзначальвае тылавое кіраванне зімбабвійскага генштабу. Генерал дадаў, што вайскоўцы выступілі супраць, як ён выказаўся, злачынцаў у асяроддзі Мугабэ.

У Харары былі чуваць выбухі і залпы артылерыйскіх гармат.

Раней амбасадар Зімбабвэ ў ПАР адмаўляў размовы аб перавароце ў ягонай краіне.

Кіроўная партыя Зімбабвэ абвінаваціла гетмана войскам генерала Канстанціна Чывенгу ў "здрадніцкіх паводзінах" пасля таго, як ён папярэдзіў аб магчымым умяшанні вайскоўцаў у палітыку. Чывенга кінуў выклік прэзідэнту Робэрту Мугабэ пасля таго, як той звольніў віцэ-прэзідэнта краіны.

Генерал сказаў, што войска гатовае да смелых дзеянняў, каб пакласці канец чысткам у партыі Мугабэ.

Супрацьстаянне доўжылася ў аўторак, калі на дарогах за межамі Харарэ была заўважаная бранятэхніка. З якой мэтай яна там знаходзілася, застаецца незразумелым.

Крыніцы агенцтва Рэйтэр паведамляюць, што пры захопе тэлеканала некаторыя супрацоўнікі Зэд-бі-сі зазналі грубае абыходжанне з боку вайскоўцаў. Супрацоўнікам тэлекампаніі сказалі, што яны "не павінны хвалявацца", а жаўнеры знаходзяцца ў будынку толькі для яго абароны.

Пасол Зімбабвэ ў ПАР Айзэк Маё сказаў Рэйтэр, што ўрад краіны захоўваецца "ў нязменным выглядзе", і адмёў усе размовы аб магчымым перавароце як "сцвярджэнні з сацсетак".

Пасольства Вялікабрытаніі і ЗША ў Харары заклікалі сваіх грамадзян пазбягаць грамадскіх месцаў.

Ні 93-гадовы Мугабэ, ні ягоныя прадстаўнікі пакуль не рабілі ніякіх заяваў.

На мінулым тыдні Мугабэ звольніў віцэ-прэзідэнта Эмерсана Мнангагву, якога раней уважалі за найбольш імавернага пераемніка прэзідэнта. Але сітуацыя змянілася, і цяпер найбольш імавернай пераемніцай называюць жонку Мугабэ - Грэйс.

Партыя Зану-ПФ заявіла, што каментары генерала Чывенгі былі "разлічаны на парушэнне нацыянальнага міру... [і] падбухторванне да паўстання".

Партыя заявіла, што ніколі не саступіць вайсковым пагрозам і "пацвярджае першынство палітыкі над зброяй".

Лідар моладзевага крыла кіроўнай партыі Кудзай Чыпанга сказаў, што генерал не мае поўнай падтрымкі ўсяго войска.

"На карту пастаўлена нашая краіна і будучыня, і мы не дазволім ніякаму асобнаму вайскоўцу стаць на шляху лідара партыі і законна абранага прэзідэнта краіны", - заявіў ён у аўторак журналістам.

Моладзевае крыло партыі падтрымлівае Грэйс Мугабэ.

Чывенга зрабіў заяву аб магчымасці вайсковага ўмяшання на прэс-канферэнцыі ў штабе войска, у асяроддзі старэйшых афіцэраў.

Ён сказаў, што "чысткі" ў партыі накіраваныя на тых, хто калісьці прывёў Зімбабвэ да незалежнасці. Сам генерал - таксама адзін з ветэранаў гэтай вайны 1970-х гадоў.

"Мы павінны нагадаць тым, хто стаіць за цяперашнімі падступнымі махінацыямі, што, калі справа тычыцца пытанняў абароны нашай рэвалюцыі, вайскоўцы дзейнічаюць, не вагаючыся", - сказаў ён.