Даляр і еўра не пакінулі рублю шанцаў
6- 15.11.2017, 14:35
- 20,016
Амерыканская валюта пераадолела двухрублёвы рубеж, еўра таксама істотна падаражэў.
На валютных таргах 15 лістапада беларускі рубель знізіўся ў дачыненні да амерыканскай валюты і еўра. Даляр расце адзінаццатыя таргі запар, абнаўляючы больш чым гадавыя максімумы.
Як паведамляе сайт Беларускай валютна-фондавай біржы, пасля таргоў курс еўра вырас на 0,0359 рубля (1,54%) і склаў 2,3702 рубля.
Курс даляра вырас на 0,0081 рубля (0,41%) і склаў 2,0057 рубля.
Курс расейскага рубля (за 100 адзінак) знізіўся на 0,0253 рубля (0,75%) і склаў 3,3296 беларускага рубля за 100 расейскіх.