Мінлясгас: Ваўкі ідуць да беларускіх вёсках

Колькасць шэрых драпежнікаў будуць памяншаць.

Міністэрства лясной гаспадаркі канстатуе, што апошнім часам ваўкі часцей пачалі з'яўляцца паблізу невялікіх вёсак, таму колькасць гэтага драпежніка ў асобных рэгіёнах Беларусі будзе скарочаная, паведамляе belaruspartisan.org.

Паводле звестак міністэрства ў 2016 годзе ў рэспубліцы паляўнічымі было здабыта 1,7 тысячы ваўкоў. Пры гэтым у Беларусі гэты драпежнік не знаходзіцца пад пагрозай знішчэння. У Мінлясгасе таксама распавялі, што пасля ўліку на 1 лютага гэтага года ў рэспубліцы налічвалася больш за 2,1 тысячы ваўкоў, у тым ліку блізу 1,4 тысячы - на тэрыторыях арандаваных паляўнічых угоддзяў.

«На падставе атрыманых звестак аб колькасці ваўкоў вызначаныя вобласці і адміністрацыйныя раёны, у якіх неабходнае правядзенне першачарговых мерапрыемстваў для рэгулявання распаўсюджвання і колькасці гэтага віду паляўнічай жывёлы», - сказалі ў міністэрстве.

Напрыклад, гэта Віцебская, Гомельская і Магілёўская вобласці (Браслаўскі, Гарадоцкі, Брагінскі, Хойніцкі, Веткаўскі, Кармянскі, Чачэрскі, Ельскі, Рэчыцкі, Лельчыцкі, Краснапольскі, Клімавіцкі, Слаўгарадскі і Чэрыкаўскі раёны).

У міністэрстве таксама паведамілі, што колькасць асобін гэтай жывёлы ў Беларусі павялічваецца праз дарагоўлю арганiзацыi палявання на ваўка, але матэрыяльнае заахвочанне паляўнічых прыносіць вынікі.

«Такім чынам, мы можам казаць пра тое, што карыстальнікамі паляўнічых угоддзяў ужываюцца належныя захады для скарачэння колькасці ваўка, яго негатыўнага ўздзеяння на жыццё, здароўе і маёмасць грамадзян», - канстатавалі ў Мінлясгасе.