Домрачава, Скардзіна і яшчэ пяць біятланістак выступяць на Адкрытым Кубку Нарвегіі

Жаночая і мужчынская зборныя Беларусі асноўнымі саставамі выступяць у Шушэне 18-19 лістапада.

Папярэднія склады беларускіх каманд апублікаваныя ў супольнасці Біятлон online.

Жанчыны: Дар'я Домрачава, Надзея Скардзіна, Крысціна Ільчанка, Ірына Крыўко, Надзея Пісарава, Дар'я Юркевіч і Ганна Сола.

Мужчыны: Дзмітрый Абашаў, Уладзімір Чапелін, Сяргей Бачарнікаў, Антон Смольскі, Раман Елетнаў, Максім Варабей і Аляксандр Дарожка.

Расклад гонак

18.11 (субота) - спрынт, жанчыны (12.00)

18.11 (субота) - спрынт, мужчыны (15.15)

19.11 (нядзеля) - гонка з масавым стартам, жанчыны (13.40)

19.11 (нядзеля) - гонка з масавым стартам, мужчыны (14.35)

19.11 (нядзеля) - гонка з масавым стартам, мужчыны (16.15)

Нагадаем, Кубак свету-2017/18 стартуе 26 лістапада ў шведскім Эстэрсундзе.