Курс біткойна ў Зімбабвэ падняўся да $13500 пасля перавароту
6- 15.11.2017, 20:39
- 13,225
Попыт на біткойны ў Зімбабвэ з'яўляецца вельмі высокім праз адсутнасць у краіне ўласнай валюты.
Курс біткойна да даляра ЗША вырас на 10% у Зімбабвэ, дзе ўзброеныя сілы захапілі ўладу пасля супрацьстаяння з урадам дыктатара Роберта Мугабэ, якое доўжыўся тыдзень.
Кошт біткойна на біржы крыптавалют Golix вырас у сераду да $13499, што амаль удвая вышэй за курс біткойна на міжнародным рынку, піша The Independent (пераклад - interfax.ru).
Так, паводле звестак выдання CoinDesk.com, курс біткоіна 15 лістапада складае $7224,6.
Попыт на біткойны ў Зімбабвэ з'яўляецца вельмі высокім праз адсутнасць у краіне ўласнай валюты. За апошнія 30 дзён аб'ём транзакцый з біткойнам на Golix перавысіў $1 млн, тады як паводле вынікау ўсяго 2016 года ён склаў $100 тысяч.
У Зімбабвэ няма ўласнай валюты, і ў якасці законнага плацёжнага сродку прымаюцца, між іншым, даляр ЗША і паўднёваафрыканскі рэнд.
Краіна адмовілася ад уласнай валюты - зімбабвійскага даляра - у 2009 годзе праз гіперінфляцыю, што абясцэніла яго.
Крыптавалютная біржы Golix у Зімбабвэ функцыянуе з 2014 года, і яе дзейнасць не рэгулююцца дзяржавай. Акрамя біткойна, тут праводзяцца аперацыі і з іншымі крыптавалютамі, у тым ліку bitcoin cash.
Цэны біткойнаў на Golix вызначаюцца попытам і прапановай, паведаміў прадстаўнік біржы.
Як паведамлялася, на вуліцах сталіцы Зімбабвэ Харарэ напярэдадні з'явіліся вайсковыя машыны і ўзброеныя жаўнеры, была захоплена штаб-кватэра нацыянальнай тэлекампаніі Зімбабвэ ZBC. Вайскоўцы заявілі ў тэлевізійным звароце, што маюць намер аднавіць стабільнасць у краіне і гарантуюць бяспеку 93-гадовага Мугабэ і яго сям'і.
На мінулым тыдні дыктатар Мугабэ адправіў у адстаўку віцэ-прэзідэнта Эмерсана Мнангагву, абвінаваціўшы яго ў падрыхтоўцы дзяржаўнага перавароту. Мнангагва карыстаўся падтрымкай войска і разглядаўся як патэнцыйны пераемнік Мугабэ на пасадзе кіраўніка дзяржавы.