Пятрас Аўштравічус: запрашэнне Лукашэнкі ў Брусэль - крытычная памылка
15- 16.11.2017, 8:29
- 22,124
ФОТА: DELFI
Літоўскі еўрадэпутат жорстка раскрытыкаваў кантакты ЕЗ з беларускім дыктатарам.
Дэпутат ад Літвы Пятрас Аўштравічус, выступаючы на дэбатах у Еўрапарламенце, назваў запрашэнне Лукашэнкі на саміт Усходняга партнёрства крытычнай памылкай.
«Саміт у Брусэлі цярпіць крах. Мой неспакой становіцца ўсё мацнее, бо з гонарам абвешчаныя ў Рызе (на Рыжскім саміце 2015 года - рэдакцыя) адзіныя для ўсіх прынцыпы цяпер будуць сцірацца праз удзел у саміце Аляксандра Лукашэнкі – дыктатара, які даўжэй за ўсіх у Еўропе знаходзіцца ва ўладзе. Я па-ранейшаму цвёрда ўпэўнены ў тым, што гэтае запрашэнне - крытычная памылка», - заявіў дэпутат.
У сябе ў твітэры Пятрас Аўштравічус таксама пазначыў, што беларуская апазіцыя ў асобе Уладзіміра Някляева і Мікалая Статкевіча праз дэпутата звярнулася да Еўразвязу з нагоды запрашэння Лукашэнкі на саміт.
«Яны называюць пастанову ЕЗ запрасіць Аляксандра Лукашэнку ў Брусэль легітымізацыяй ягонай рэпрэсіўнай палітыкі», - напісаў Аўштравічус.
#Belarus opposition #Nyaklyayew, #Statkevich appeal to EU over summit invitation for #Lukashenka. They call EU's decision to invite Alyaksandr Lukashenka to #Brussells as the legitimation of his repressive policies.
— Petras Austrevicius (@petras_petras) 14 ноября 2017 г.
