Беларусам разаслалі 28 тысяч «лістоў шчасця»
115- 16.11.2017, 13:50
- 231,566
Пачаліся праверкі ў сувязі з новай рэдакцыяй дэкрэта №3.
У сувязі з падрыхтоўкай да выдання абноўленай версіі дэкрэта №3 беларусам пачалі прыходзіць «лісты шчасця».
Пра гэта ў рэдакцыю Charter97.org паведаміў чытач, які атрымаў такі ліст ад Нацыянальнага статыстычнага камітэта.
Аўтары ліста паведамляюць, што маюць намер абследаваць 28 тысяч сем'яў і папярэджваюць, што хочуць пачуць ад кожнага «праўдзівую інфармацыю» пра сваю працу ці яе адсутнасць, характар працоўнай дзейнасці, прычыны незанятасці і працы ў мінулым.
Нагадаем, што праект абноўленага дэкрэта №3 знаходзіцца на разглядзе ў адміністрацыі Лукашэнкі. Улады «прычасалі» яго назву, прыбраўшы адтуль слова «ўтрыманства» і дадаўшы «стымуляванне занятасці». Міністр працы Ірына Касцевіч паведаміла, што цяпер дармаеды будуць кампенсаваць «сацыяльныя выдаткі дзяржавы».