Памёр генеральны консул Беларусі ў Стамбуле

Уладзіміру Мірановічу быў 61 год.

Беларускі дыпламат, генеральны консул Беларусі ў Стамбуле (Турэцкая Рэспубліка) Уладзімір Мірановіч раптоўна памёр 17 лістапада, паведамляе БелТА.

Уладзімір Мірановіч нарадзіўся 26 верасня 1956 года. З 1978 да 1996 год працаваў на розных пасадах у Беларускім політэхнічным інстытуце, Дзяржплане БССР, апараце кабінета міністраў. Наступныя дваццаць гадоў працаваў у сістэме МЗС, у тым ліку і ў дыпламатычных прадстаўніцтвах Беларусі ў Дзяржаве Ізраіль, Злучаных Штатах Амерыкі, Чэшскай Рэспубліцы. Са жніўня 2016 года ўзначальваў Генеральнае консульства Беларусі ў Стамбуле.