ЗША асудзілі спробы аспрэчыць гістарычны факт Галадамору

Савецкай уладзе не ўдалося знішчыць ідэнтычнасць і незалежнасць украінскага народа.

ЗША асудзілі спробы аспрэчыць гістарычны факт Галадамору ва Украіне 1932-33 гадоў. Такую заяву апублікавала спікер Дзярждэпартамента Хезер Ноерт, паведамляе Укринформ. 


«Варварскі захоп украінскай зямлі і сельскагаспадарчых культур, што прывёў да Галадамора, або «смерці ад голаду», стаў адным з самых жорсткіх дзеянняў ХХ стагоддзя, што ператварыла еўрапейскую жытніцу ў зямлю чалавечых пакут», - адзначаецца ў заяве.

ЗША падкрэслілі, што пры гэтым савецкай уладзе не ўдалося знішчыць ідэнтычнасць і незалежнасць украінскага народа.

Раней урад Вялікай Брытаніі заявіў пра гатоўнасць прызнаць Галадамор ва Украіне генацыдам пасля таго, як гэты тэрмін у дачыненні да трагедыі ўстановіць суд.

3 сакавіка 2017 года паведамлялася, што Партугалія прызнала Галадамор генацыдам украінскага народа.