35 гадоў таму менскае Дынама стала чэмпіёнам CССР

Сёння адбудзецца прэм'ера фільма пра знакамітую каманду «Дынама-82».

Роўна 35 гадоў менскае «Дынама» здабыла золата чэмпіянату СССР, піша сайт kp.by. Да знакамітай даты быў зняты дакументальны фільм.

У фільме гледачоў чакае шмат нечаканых адкрыццяў і дзіўных падрабязнасцяў таго фантастычнага трыюмфу беларусаў: як «Дынама» пайшло ў тэатр напярэдадні вызначальнага матчу са «Спартаком» і які чароўны квіток дастаўся трэнеру Веньяміну Арзамасцаву, ці спаў у Маскве перад вызначальнай бітвай капітан каманды Юрый Пудышаў, як святкаваў перамогу Ігар Карнялюк, навошта Эдуард Малафееў запрасіў у Стайкі псіхолага і чаму зламаў руку Іван Савосцікаў. Гэта толькі малая крыха з таго, пра што раскажа гэты фільм, - анансуе паказ афіцыйны сайт «Дынама».