Радзівонаў пра смяхотны гол: Суддзя разабраўся правільна

БАТЭ зноў апынуўся ў эпіцэнтры скандалу.

Нападнік БАТЭ Віталь Радзівонаў, які забіў пераможны мяч у браму «Нёмана» ў матчы 29-га тура чэмпіянату Беларусі ў вышэйшай лізе, у інтэрв'ю «Прессболу» пракаментаваў ключавы эпізод гульні, які выклікаў гарачую дыскусію.

- Усе горача абмяркоўваюць эпізод з тваім голам. Галоўны трэнер «Нёмана» Ігар Кавалевіч шчыра сказаў, што ты падыграў сабе рукой. Актыўна пратэставалі і гульцы гарадзенскага клуба, прычым Кантарыю гэта каштавала выдалення. Тваё бачанне?

- Суддзя знаходзіўся ў такім месцы, каб добра ацаніць эпізод. Так, рука дзесьці мела месца. Але, на мой погляд, яна была ў натуральным становішчы. Мне здаецца, што за такое суддзя не паставіў бы пенальці. Дык чаму ён павінен не залічваць гол? Думаю, суддзя разабраўся правільна, - сказаў Віталь Радзівонаў.