Беларусы хочуць, каб «адрасы БНР» упрыгожылі нацыянальныя сцягі
- 18.11.2017, 20:36
- 8,914
Актывісты прапануюць усталяваць на будынках, якія звязаныя з дзейнасцю БНР, памятныя дошкі і бел-чырвона-белыя сцягі.
На інтэрнэт-пляцоўцы petitions.by праходзіць збор подпісаў пад зваротам у Менгарвыканкам і Міністэрства культуры Беларусі з патрабаваннем ушанаваць памяць Беларускай Народнай Рэспублікі напярэдадні сотай гадавіны яе абвяшчэння - 25 сакавіка 2018 года, паведамляе «Радыё Свабода».
Ініцыятары прапануюць усталяваць на будынках, якія звязаныя з дзейнасцю БНР, памятныя дошкі і бел-чырвона-белыя сцягі (дзяржаўныя сцягі БНР).
Збор подпісаў будзе доўжыцца да 12 снежня.