Парашэнка прапанаваў Дэвіду Лінчу зняць кіно пра ўкраінскіх герояў
1- 18.11.2017, 21:54
- 11,361
Прэзідэнт Украіны сустрэўся з легендарным кінарэжысёрам.
Прэзідэнт Украіны Пятро Парашэнка прапанаваў легендарнаму рэжысёру Дэвіду Лінчу абдумаць магчымасць стварэння кіно пра ўкраінскіх герояў і тыя падзеі, якія цяпер адбываюцца ва Украіне, піша «Новое время».
Пра гэта паведаміла прэс-служба кіраўніка ўкраінскай дзяржавы. Які быў адказ рэжысёра, не паведамляецца.
Нагадаем, Парашэнка сустрэўся з Лінчам 18 лістапада ў Кіеве. Рэжысёр прыбыў ва Украіну для адкрыцця прадстаўніцтва дабрачыннага Фонду. Фонд Лінча займаецца трансцэндэнтальнай медытацыяй, дапамагае ветэранам вайны, уцекачам, ахвярам хатняга гвалту.
Са слоў Парашэнкі, ідэі і метадалогія, якую прадстаўляе Дэвід Лінч, будуць надзвычай важнымі для дапамогі людзям у пераадоленні стрэсу. Бо пакутуюць ад гэтага не толькі вайскоўцы, якія непасрэдна ўдзельнічаюць у баявых дзеяннях, але і цывільныя грамадзяне.