Афрыканская лэдзі Макбет

Каб застацца ва ўладзе, Мугабэ выкінуў за борт усе прынцыпы прававой дзяржавы.

"У 80-я гады Роберт Мугабэ і ягоная першая жонка Салі называліся ў Афрыцы пасланцамі надзеі. Аднак другая жонка Грэйс нашаптала Мугабэ цёмныя гады ягонага прэзідэнцтва", – піша Крысціян Путч на старонках нямецкага выдання Die Welt (пераклад – inopressa.ru).

Стаўшы першай лэдзі, Грэйс Мугабэ была ўпэўненая, што ейнае становішча раўназначнае другой у значнасці пасадзе ў Зімбабвэ. "Я жонка прэзідэнта, я складаю планы і ўсё раблю разам з ім. Чаго мне яшчэ жадаць?" – заявіла аднойчы Грэйс. "Скарбніца дзяржаўная была для яе адкрытая, і ад гэтага квітнелі люксавыя крамы ва ўсім свеце", – каментуе аўтар, заўважаючы, што аднойчы ў Парыжы яна выдаткавала за некалькі дзён 90 тыс. еўраў.

"Прыкра ў такой кар'еры стала толькі тое, што 93-гадовы муж, які старэйшы за Грэйс на сорак гадоў, становіцца ўсё больш уразлівым", – заўважае журналіст. "Урэшце былой сакратарцы, верагодна, стала ясна, якая нясталая пасада, за якую яна выйшла замуж", – іранізуе аўтар. "Аматарка марнаваць грошы" ператварылася ў "з'едлівую прэтэндэнтку" на пасаду свайго мужа, прабіваючы сабе дарогу "вострымі локцямі".

Так, журналіст згадвае выпадак з Джойс Муджуру, якая займала тады пасаду віцэ-прэзідэнткі Зімбабвэ, і асмелюся заўважыць, што Грэйс "не здзівіла яе сваімі палітычнымі амбіцыямі". У адказ на такую заяву Грэйс Мугабэ публічна абазвала Джойс "некампетэнтнай шантажысткай і манюкай", якая супрацоўнічае з апазіцыяй і белымі.

З паслядоўнікам Муджуру Эмерсанам Мнангагвай такая "хітрасць" не спрацавала, і ў аўторак першая лэдзі ўцякла ў Намібію.

Пакуль Мугабэ адмаўляецца сыходзіць у адстаўку. "Удзельнікі перавароту спрабуюць надаць падзеям дэмакратычнае аблічча", – піша Крысціян Путч. Мугабэ спадзяецца на пастанову, пры якой ён зможа захаваць сваё аблічча і сям'ю. Аднак, як адзначаецца ў артыкуле, пара ў найлепшым выпадку зможа падтрымліваць стасункі толькі на адлегласці. «У Зымбабвэ Грэйс, павінна быць, будзе "персонай нон грата", што стане самым вялікім кантрастам да памяці народа пра першую жонку Мугабэ Салі, – заўважае журналіст. – Са зменай жонкі радыкальна змяніўся і ўплыў Мугабэ».

Аднак, на думку аўтара, было б залішнім тлумачыць "ператварэнне Мугабэ з апекуна ў разбуральніка Зімбабвэ" ў першую чаргу уплывам Грэйс, бо ўжо ў 80-я гады ў няўгодных ураду рэгіёнах здзяйсняліся масавыя забойствы. Аднак у той час як Салі "сваёй папулярнасцю магла адцягнуць увагу ад зверстваў свайго мужа, Грэйс, мяркуючы з усяго, спрыяла рабаванню краіны", адзначае аўтар.

"Каб застацца ва ўладзе, Мугабэ выкінуў за борт усе прынцыпы прававой дзяржавы", – разважае журналіст. Напружаная эканамічная сітуацыя прывяла да каласальнага крызісу. "Мугабэ, нягледзячы на няўдалыя выбары, удала зачапіўся за ўладу, а ягоная жонка прадоўжыла хадзіць па крамах", – піша журналіст. Нарэшце, ЕЗ наклаў санкцыі і на Грэйс, што "крыху абцяжарыла ёй бессаромнае разрабаванне краіны".

«Дарэмна спрабавалі памочнікі Грэйс замацаваць за ёй (...) імя Amazing Grace, рэлігійны вобраз "вялікай ласкі". Бо для краіны гэтая жанчына стала ганьбай», – падсумоўвае выданне.