Санковіч перамог на этапе КС у плаванні ў Сінгапуры

Беларус перамог на дыстанцыі 50 м на спіне на заключным этапе Кубка свету ў плаванні.

Беларус Павел Санковіч перамог на дыстанцыі 50 м на спіне на заключным этапе Кубка свету ў плаванні ў 25-мэтровым басейне, які адбыўся ў Сінгапуры, паведамляе БелТА.

На сваёй кароннай дыстанцыі Санковіч паказаў вынік 22,82 сэк. На фінішы ён выперадзіў японца Дзюн’ю Когу, які стаў другім - 22,97 сэк. Бронзавы медаль на рахунку Джыа Ксю з Кітая - 23,18 сэк. Падчас этапаў Кубка свету ў 2017 годзе на дыстанцыі 50 м на спіне Санковіч перамагаў у Маскве, Эйндховэне і Ганконгу.

Яшчэ адзін медаль у скарбонку беларускай каманды ў Сінгапуры прынёс Яўген Цуркін, які на дыстанцыі 100 м батэрфляем заняў трэцяе месца - 50,22 сэк. Перамог у вызначальным заплыве Чад ле Кло з ПАР - 49,49 сэк. Срэбным прызёрам стаў Лі Жухаа з Кітая - 49,53 сэк. Павел Санковіч на гэтай дыстанцыі фінішаваў пятым - 51,03 сэк.

У першы дзень заключнага этапу Кубка свету ў плаванні ў Сінгапуры Ілля Шымановіч узняўся на другую прыступку п'едэстала гонару на дыстанцыі 50 м брасам.

Пераможцам агульнага заліку Кубка свету стаў Чад ле Кло, які зарабіў больш за $ 100 тысяч прызавых грошай. Агулам жа агульны прызавы фонд усіх дзевяці этапаў склаў $ 2 млн.