Нямецкія экспэрты склалі рэйтынг самых надзейных аўтамабіляў
17- 19.11.2017, 20:10
- 71,097
Экспэрты прааналізавалі звесткі блізу 10 мільёнаў рэальных тэхаглядаў.
Нямецкая Асацыяцыя тэхнічнага нагляду (TUV) апублікавала рэйтынг надзейнасці легкавых аўтамабіляў, паведамляе ria.ru.
Экспэрты прааналізавалі звесткі блізу 10 мільёнаў рэальных тэхаглядаў, праведзеных з ліпеня 2016 да чэрвеня 2017 года. Выніковы паказчык мадэлі (усяго іх 225 - самыя папулярныя машыны ў Еўропе) вылічваецца па долі сур'ёзных няспраўнасцяў, напрыклад, дэфектаў рухавіка, трансмісіі, шасі, падвескі, тармазной і выхлапной сістэмы.
У выніку самым надзейным сярод двух- і трохгадовых аўто быў прызнаны Mercedes-Benz SLK. Другім па надзейнасці стаў Volkswagen Golf Sportsvan, трэцяе месца падзялілі яшчэ два Mercedes - B-клас і GLK.
Ва ўзроставай катэгорыі ад чатырох да пяці гадоў лідзіруюць Mercedes-Benz B-класа, Porsche 911, Mazda CX-5 і Audi Q5.
Самай бяспечнай машынай шасці-сямігадовага ўзросту экспэрты назвалі Porsche 911. У спіс таксама ўвайшлі Audi Q5 і TT, Honda CR-V і Mazda трэцяй серый.