Еўразвяз зацвердзіў новую сістэму рэгістрацыі на межах Шэнгену

Змяненні дадуць магчымасць узмацніць і паскорыць праверкі на межах.

У панядзелак, 20 лістапада, Рада ЕЗ зацвердзіла змены ў сістэму рэгістрацыі пры перасячэнні мяжы Шэнгенскай зоны.

Пра гэта паведамілі ў прэс-службе Рады ЕЗ.

Новая сістэма ў электронным выглядзе будзе рэгістраваць імя, дату ўезду і выезду, інфармацыю пра адмовы ў перасячэнні мяжы грамадзянам краін, якія не ўваходзяць у склад ЕЗ.

Змяненні дадуць магчымасць узмацніць і паскорыць праверкі на межах, бо новая электронная сістэма заменіць штампоўкі пашпартоў. Сістэма будзе выкарыстоўвацца незалежна ад таго, ці патрэбная грамадзянам трэціх краін віза.

«Моцны кантроль над нашымі вонкавымі межамі мае важнае значэнне для эфектыўнага функцыянавання Шэнгенскай зоны. Новая сістэма ўезду-выезду будзе спрыяць паляпшэнню вонкавага памежнага кантролю, лепшай ідэнтыфікацыі парушальнікаў і ўзмацненню барацьбы з тэрарызмам», - сказана ў паведамленні.

25 кастрычніка новыя правілы перасячэння межаў Шэнгена былі адобраныя ў Еўрапарламенце.