Ілон Маск: Пры стварэнні новай мадэлі Tesla выкарыстаныя ракетныя тэхналогіі
17- 21.11.2017, 16:40
- 23,784
Tesla Roadster за 1,9 секунды зможа разагнацца да 100 км/г.
У 2020 годзе Tesla выпусціць электрычны суперкар, які за 1,9 секунды зможа разагнацца да 100 км/г, а яго лімітавая хуткасць складзе 400 км/г. Аднак у будучыні гэтыя паказчыкі вырастуць і нават дазволяць аўтамабілю «лётаць» на кароткіх адцінках дарогі. Як распавёў кіраўнік кампаніі Ілон Маск, сакрэт у выкарыстанні ракетных тэхналогій SpaceX, піша hightech.fm.
У сваім мікраблогу ў Twitter Маск кіўнуў, што пры стварэнні новай мадэлі Tesla Roadster былі выкарыстаныя касмічныя распрацоўкі. «Ракетныя тэхналогіі, ужытыя да аўтамабіля, даюць па-сапраўднаму рэвалюцыйныя магчымасці», - напісаў кіраўнік кампаніі.
Ён таксама дапусціў, што ўдасканаленыя мадэлі электрычнага суперкара змогуць «лётаць» на кароткія адлегласці: «Гэта, безумоўна, магчыма. Пытанне толькі ў бяспецы».
Not saying the next gen Roadster special upgrade package *will* definitely enable it to fly short hops, but maybe …
— Elon Musk (@elonmusk) 19 ноября 2017 г.
Certainly possible. Just a question of safety. Rocket tech applied to a car opens up revolutionary possibilities.
Кіраўнік Tesla і SpaceX Ілон Маск успрымае ўсе свае праекты як частку адзінай экасістэмы. Распрацоўкі адной кампаніі выкарыстоўваюцца для развіцця іншай. Так, SpaceX запазычыла некаторыя вытворчыя тэхналогіі ў Tesla. А аўтамабільная кампанія, у сваю чаргу, пераняла ў SpaceX інавацыйныя метады зваркі.
Хуткаснага рэжыму Ludicrous Mode для электрамабіляў таксама ўдалося дабіцца за кошт распрацовак касмічнай кампаніі. У адной з дэталяў сталь замянілі інканэлем - гарачатрывалым сплавам, які выкарыстоўваюць у касмічнай індустрыі.
З назіранняў Electrek, кампаніі Маска ў апошні час сталі часцей абменьвацца тэхналогіямі і супрацоўнікамі. Акрамя таго, тэхналогіі Tesla і SpaceX выкарыстоўваюцца пры будаўніцтве хуткасных тунэляў для барацьбы з коркамі пад брэндам The Boring Company.
Нягледзячы на эфектныя праекты і прэзентацыі, у экспэртаў і аналітыкаў шмат пытанняў да амбіцыйнага прадпрымальніка. Некаторыя адзначаюць, што праз высокую крэдытную нагрузку і праблемы з тэрмінамі паставак Tesla саступае буйным аўтамабільным кампаніям, якія выходзяць на рынак электрамабіляў.
На думку трэйдара Джыма Чаноса - даўняга крытыка прадпрыемстваў Маска, інвестары ўкладваюцца ў самога прадпрымальніка, а не ў ягоную кампанію. І як толькі Маск сыдзе з пасады кіраўніка Tesla - а Чанос упэўнены ў такім зыходзе - то інвестары пачнуць імкліва пазбаўляцца ад акцый кампаніі.