Меліціна Станюта станчыла ў Гішпаніі пад песню Naviband
2- 22.11.2017, 9:21
- 16,835
Беларуска выступіла на найлепшым гімнастычны шоў Гішпаніі.
Беларуская гімнастка Меліціна Станюта выступіла на найлепшым гімнастычны шоў у Гішпаніі Euscalgym пад беларускую народную песню "Рэчанька" ў выкананні беларускіх прадстаўнікоў на Еўравізіі-2017 гурта Naviband. Пра гэта яна напісала ў «Інстаграме».
«Пасля такіх дзён як учорашні выступ на найлепшым гімнастычны шоў у Гішпаніі Euscalgym пераконваюся, што я шчаслівы чалавек. Шчасце бачыць і адчуваць гэтую бязмежную любоў з трыбун ад гішпанскіх фанатаў, якіх было 8000!.
Хачу падзякаваць арганізатарам гэтага шоў, што я маю гонар выступаць з самага першага ў гісторыі гэтага шоў, у 2007 годзе да ўчорашняга дня! Новае гала шоў рыхтавалася вельмі старанна і не без дапамогі таленавітых людзей.
Яшчэ летам на канцэрце ў Ратушы я пачула традыцыйную беларускую песню "Рэчанька", якую праспявалі Naviband, тады сапраўды зразумела, што нястачы натхнення пры складанні танца не будзе. Дзякуй, Naviband, за запіс гэтай чароўнай музыкі, - напісала Меліціна Станюта ў «Інстаграме».