Юрый Шаўчук - беларусам: Галоўнае, каб кожны чалавек быў шчаслівы і свабодны

Рэпартаж пра тое, як у Баранавічах прайшоў канцэрт ДДТ.

У Лядовым палацы 21 лістапада адбыўся канцэрт легенды расейскага рок-гурта ДДТ.

Гурт, з яе нязменным лідарам Юрыем Шаўчуком, прадставіў праграму «Гісторыя гуку». Баранавічы сталі апошнім горадам у беларускім туры гурта, піша intex-press.by.

«Гісторыя гуку» не пакінула абыякавымі баранавіцкіх прыхільнікаў расейскага року. Канцэрт прайшоў у атмасферы сапраўды гістарычнай падзеі - і музычны складнік, і відэашэраг - усё нагадвала аповяд гісторыі, хроніку ад мінулых дзён да сучаснасці. Жыхары нашага горада змаглі і пасумаваць, і пусціцца ў вясёлыя скокі, і паразважаць на глыбокія тэмы. Галоўнае, як сказаў Юрый Шаўчук, «каб кожны чалавек у свеце быў шчаслівы, жыў у любові і быў свабодны».

Насуперак песімістычным размовам пра дрэнную акустыку Лядовага палаца, гук быў настроены настолькі якасна, што можна было адчуць сябе на пляцоўцы, прызначанай для правядзення маштабных канцэртаў.

Баранавічы - апошні горад у беларускім туры ДДТ. Гурт вяртаецца ў Расею і прадоўжыць тур там.