Вікторыя Азаранка абвясціла, што пачне сезон-2018 у Оклендзе
17- 22.11.2017, 15:24
- 11,868
Беларуская тэнісістка выкарыстоўвае новазеландскі турнір, як падрыхтоўку да Адкрытага чэмпіянату Аўстраліі.
Беларуская тэнісістка Вікторыя Азаранка адкрые наступны сезон турнірам у новазеландскім Оклендзе.
Пра гэта паведаміў партал tvnz.co.nz са спасылкай на афіцыйны твітэр турніру. Дадамо, што ў Оклендзе ўжо збіраюцца выступаць Каралін Вазняцкі, Агнешка Радваньска і Юлія Гергес.
«Усім прывітанне. Я хачу паведаміць, што неймаверна радая пачаць сезон-2018 у Оклендзе! Я некалькі гадоў таму гуляла тут і з нецярпеннем чакаю, каб вярнуцца туды і даследаваць гэты турнір зноў. Я з нецярпеннем чакаю, каб пачаць свой год у Новай Зеландыі - у выдатнай краіне, на выдатным спаборніцтве, і выкарыстоўваць гэты турнір як падрыхтоўку да Адкрытага чэмпіянату Аўстраліі. Вельмі чакаю з'яўлення на тэнісным корце як мага хутчэй. Дзякуй усім маім заўзятарам! Чакаю вас у студзені 2018 года ў Новай Зеландыі!», - гаворыцца ў відэапаведамленні Азаранкі на яе старонцы «Вконтакте».