Папа Рымскі Францішак наведае Вільню да 100-годдзя літоўскай незалежнасці
1- 22.11.2017, 17:09
- 9,843
Ватыкан найбліжэйшым часам павінен абвясціць дакладную дату і статус візіту.
Папа Рымскі Францішак налета наведае Літву, пацвердзіла ў сераду агенцтву BNS адміністрацыя прэзідэнта краіны, паведамляе «Радыё Свабода».
«Візіт Папы Францішка плануецца восенню наступнага года», - сказала прэс-сакратарка прэзідэнта Дайва Ульбінайтэ. Паводле яе слоў, Ватыкан найбліжэйшым часам павінен абвясціць дакладную дату і статус візіту. Прыезд Папы ў Літву будзе прымеркаваны да стагоддзя краіны.
Эстонскія СМІ на гэтым тыдні паведамілі аб імаверным візіце пантыфіка ў Талін.
У верасні 1993 года Літву наведаў Папа Рымскі Ян Павел II, які ўзначальваў каталіцкую царкву з 1978 да 2005 года.