Відэафакт: Пуцін на перамовах у Сочы перакуліў крэсла Эрдагана

Прэзідэнт РФ перакуліў крэсла, на якім сядзеў турэцкі прэзідэнт Рэджэп Таіп Эрдаган.

Відэа кур'ёзу, які адбыўся 22 лістапада на сумеснай прэс-канферэнцыі паводле вынікаў перамоў у Сочы, апублікавала агенцтва «РИА Новости».

Па заканчэнні выступу Пуцін падняўся, паціснуў руку Эрдагану і адсунуў ягонае крэсла, пасля чаго тое з грукатам упала. Крэсла адразу ж падняў чалавек у цывільным.

Перамовы прэзідэнтаў Расеі, Турцыі і Ірана адбыліся ў Сочы 22 лістапада, паводле іх вынікаў была ўзгодненая і прынятая сумесная заява аб Сірыі.