29 сакавiка 2024, Пятніца, 12:54
Падтрымайце
сайт
Сім сім,
Хартыя 97!
Рубрыкі

У Егіпце адбыўся маштабны тэракт

3
У Егіпце адбыўся маштабны тэракт

У егіпецкім горадзе Бір-эль-Абэд у выніку выбуху ў мячэці загінулі больш за 100 чалавек і яшчэ 80 былі параненыя.

Паводле апошніх звестак егіпецкага агенцтва Mena, ахвярамі тэракту сталі 115 чалавек.

Адзначаецца, што выбух адбыўся падчас дзённай малітвы. Са слоў сведак, бомбу ўзарвалі баевікі ў камуфляжнай форме, якія прыехалі на двух пазадарожніках, паведамляе тэлеканал Al Arabiya.

Як заяўляюць у міністэрстве аховы здароўя, баевікі таксама адкрылі агонь па аўтамабілях «хуткай дапамогі», якія везлі параненых.

На гэты момант да месца выбуху прыбылі вайскоўцы, а ў Каіры абвешчанае надзвычайнае становішча.

Прэзідэнт Егіпта Абдэль ас-Сісі даручыў вайскоўцам і паліцыянтам ахоўваць рэлігійныя месцы на Сінайскай паўвыспе.

Таксама Егіпет закрывае памежны калідор Рафах з Сектарам Газы, які быў нядаўна адкрыты.

Напісаць каментар 3

Таксама сачыце за акаўнтамі Charter97.org у сацыяльных сетках