Дзяніс Шэліхаў: У беларускім чэмпіянаце вызначаюцца толькі дзве каманды

Украінскі брамнік распавёў аб узроўні беларускага футбола.

Украінскі галкіпер Дзяніс Шэліхаў, які нядаўна пакінуў «Іслач», распавёў пра час, праведзены ў камандзе, і падзяліўся меркаваннем аб узроўні беларускага чэмпіянату, піша «Трибуна».

- Я думаю, што ў кожным выпадку адбыўся перазапуск кар'еры. Мы камандай раслі, і кожны паасобку таксама рос. У нас была складаная сітуацыя і, можна сказаць, мы выйшлі з яе малайцамі. Згуляў 9 гульняў за клуб. Тры «сухары»? Сябе аб'ектыўна ніколі не можаш ацаніць: дзесьці было добра, дзесьці не надта. У матчах «на нуль» я б не стаў звяртаць увагу выключна на сябе. Гэта не толькі я адзін - уся каманда выдатна згуляла. Агульнымі намаганнямі адзін аднаму дапамагалі, дамагаліся пастаўленай мэты. Таксама рады, што ўдалося дапамагчы «Іслачы» выканаць складаную задачу. Усё ж захавалі клуб у вышэйшай лізе.

- Хутка знайшоў агульную мову з іншымі галкіперамі ў камандзе? Як ацэніш перыяд работы з трэнерам брамнікаў Андрэем Ашыхміным?

- З канкурэнтамі ў нас склаліся досыць добрыя, прыяцельскія стасункі. На трэніроўках маглі адзін з аднаго пажартаваць, ці пацкаваць. У гэтым плане ўсё нармальна. У Станіслававіча былі добрыя практыкаванні, з ім таксама выдатна папрацавалі. Надта задаволены, што ўдалося правесці пяць месяцаў у вашым клубе, дзе былі класныя хлопцы і кваліфікаваны трэнерскі штаб.

- Для цябе гэта быў першы легіянерскі досвед. Пасля другога кола, якое ты правёў у нас, можаш ацаніць узровень беларускага чэмпіянату?

- У вас дастаткова добры чэмпіянат. Калі так разабрацца, то, у прынцыпе, няма вялікай розніцы паміж камандамі. Кожны клуб можа даць бой кожнаму спаборніку. Можа, толькі вызначаюцца БАТЭ і менскае «Дынама».

- Якія далейшыя планы ў цябе?

- У гэты момант атрымліваем асалоду ад выкананай працы (усміхаецца). Затым будзе невялікі адпачынак, а там ужо паглядзім. Калі ў мяне не складзецца з клубамі, якія ставяць перад сабой самыя высокія задачы, то я не супраць вярнуцца ў «Іслач». У тым выпадку, калі будзе такая магчымасць. Ніхто не ведае, што будзе ў будучыні.