НЗ у войску, пра якія маўчыць Міністэрства абароны
30- 3.11.2017, 9:01
- 83,838
Мінабароны Беларусі вельмі неахвотна дзеліцца звесткамі аб колькасці загінулых у беларускім войску.
«Мы хочам расказаць усім тое, пра што імкнуцца замоўчваць. Мы збіраем звесткі па драбніцах у інтэрнэце», - пішуць актывісты ініцыятывы «Цэнтр правоў прызыўнікоў», якую стварылі пасля трагічнай загубы ў Печах жаўнера Аляксандра Коржыча «Кнігу памяці.
27 верасня 2017 года, Смаргонь
16.10.2017 у Дзяржаўным памежным камітэце (ДПК) Рэспублікі Беларусь пацвердзілі інфармацыю пра самагубства афіцэра ў навучальным цэнтры Інстытута памежнай службы ў Смаргоні (Гарадзенская вобласць).
Як паведаміў афіцыйны прадстаўнік ДПК Антон Бычкоўскі, трагедыя адбылася 27-га верасня 2017 года.
Тое, што 22-гадовы малодшы афіцэр памежнай службы скончыў жыццё самагубствам, стрэліўшы сабе ў галаву з пісталета, пацвярджаюць відэазапісы з камер назірання.
19 студзеня 2017 года, Печы, смерць на плошчы
Трагедыя адбылася на тэрыторыі 72-га вучэбнага цэнтра ў Печах. Паводле інфармацыі, якая трапіла ў СМІ, вайсковец паветрана-дэсантных войскаў памёр падчас практыкаванняў на пляцы. Прэс-служба Мінабароны пацвердзіла інфармацыю пра здарэнне, аднак падрабязнасцяў не выдавала. Вядома толькі, што гэта «не звязана з праходжаннем вайсковай службы».
24 жніўня 2016 года, вайсковы палігон пад Барысавам
Пра гэты выпадак інфармацыі няшмат. Вядома, што здарэнне адбылося на 226-м палігоне "Барысаўскі" падчас навучальных стрэльбішчаў. Вайсковец тэрміновай службы атрымаў баявыя патроны і адправіўся на агнявы рубеж. Аднак, не даходзячы да яго, прыклаў рулю да галавы і стрэліў усе тры патроны.
Вайскоўцу было 23 гады, а да канца тэрміну службы заставалася два месяцы. Інфармацыю аб тым, што здарылася пацвердзілі ў Мінабароны, аднак падрабязнасцяў не раскрылі, спасылаючыся на «этычныя прычыны». Следчы камітэт праводзіў праверку паводле факту загубы вайскоўца, яе вынікі не публікаваліся.
22 сакавіка 2015 года, Печы
Паведамленне прэс-службы Міністэрства абароны: "21 сакавіка 2015 года ў 72 аб'яднаным навучальным цэнтры меў месца факт самагубства вайскоўца тэрміновай службы. Для выяўлення сапраўдных прычын таго, што здарылася праводзяцца следчыя дзеянні. Міністэрства абароны выказвае спачуванні родным і блізкім вайскоўца». Падрабязнасці здарэння не выдаваліся.
30 красавіка 2013 года, 56-ы Тыльзіцкі асобны полк сувязі
Інфармацыю аб трагічнай загубе жаўнера пацвердзіла і прэс-служба Міністэрства абароны. «30 красавіка пры выкананні работ тэхнічнага абслугоўвання супрацьпажарнай ёмістасці страціў прытомнасць і быў дастаўлены ў 432-й Галоўны вайсковы клінічны медыцынскі цэнтр Узброеных Сіл вайсковец трэцяга перыяду тэрміновай вайсковай службы. Медыцынскімі спецыялістамі цягам 15 дзён праводзіўся ўвесь комплекс рэанімацыйных мерапрыемстваў, аднак жыццё вайскоўца выратаваць не ўдалося», - гаворыцца ў сённяшнім паведамленні прэс-службы.